رَسانک نیوز/ 4 آبان ماہ 1404 ءَ، سرباز ءُ پہرہ ئے راہ ءَ، سرباز ئے پل ءِ نزّیک ءَ ٹیلکشّئے گاڑی ءِ لیٹ ورگ ءُ بُن گرگ ءَ بلوچے ٹیلکشّے سوتکگ ءُ سکّ ءَ ٹپیگ بوتگ.
رَسانک ءَ اے بلوچے ٹیلکشّئے پجّار «مھسن شهنوازی»، 19 سالگ، سَپَر ئے چُک ءُ بُندر میرجاوہ ئے روتک دمگ ءِ نندوک زانتگ.
رَسانک ءِ ھال سرکنوکانے رِد ءَ، گوں گاڑی ءِ لیٹ ورگ ءُ بُن گرگ ءَ مھسن چہ گاڑی ءَ ڈنّ کپتگ، بلے ٹپّانے باز بوھگ ءَ نہ توانتگی چہ گاڑی ءَ دور بہ بیت، ھمیں سوب ءَ باز سوتکگ، آئی ءِ سوچک 85 در سد گوشگ بوتگ.
ھال سرکنوکان ءَ گوشتگ: اے بلوچے ٹیلکشّ روتک ءِ سیمسرانے بند بوھگ ءِ سوب ءَ ناچار بوتگ پہ کار ءَ سرباز ءَ دیم بہ کنت ءُ چارسد کیلومتر چہ وتی لوگ ءَ دور ویل ءِ دپ ءَ کپتگ۔ ویل ءَ پد، آئی پہ درمان ءَ پہرہ ءِ ھاتم الانبیاء ئے نادراہجاہ ءَ سر کنگ بوتگ ءُ داں انگت ءَ بستری ءُ سر ئے ھوژی برابر نہ اِنت.
Be the first to comment