رَسانک نیوز/ مروچی دوشمبے 5 آبان ماہ 1404 ءَ، دُزاپ ءِ شیرآباد دمگ ءَ بلوچے کہ 56 روچ دیمترا آوار جنگ بوتگ، داں انگت ءَ آئی ءِ ھالے سرپدئے نیست اِنت ءُ آئی ءِ لوگے مردم پہ ھالے سرپدئے ءُ جان دُراہی ئے زانگ ءَ دل پریشان اَنت.
رَسانک ءَ اے بلوچے پجّار «میسم کلیزادہ»، 36 سالگ، درویش ءِ چُک، بُندر ءَ ریگان ءِ مہدی آباد دمگ ءِ نندوکیں مردمے زانتگ.
رَسانک ءِ ھال سرکنوکانے رِد ءَ، میسم پد چہ ایشی ءَ کہ دُزاپ ءَ شُتگ بے پجّاریں مردمان ءَ آئی آوار جتگ ءُ داں انگت ءَ بیگواہ اِنت۔ تھنا یک پدی چہ اَوگانستان ءِ نمبر ءَ واتساپ ءِ پتّر ءَ آئی ءِ لوگے مردمان ءَ اے ھال دیگ بوتگ کہ مزنیں زرّی پہ آئی ءِ آجو کنگ ءَ لوٹنت ءُ ایشی ءَ پد اے نمبر ھم چہ دسرس ءَ ڈنّ اِنت.
سیادان ءَ گوشتگ: میسم ءُ آئی ءِ ھاندان ءِ مردماں گوں ھچ کسّ ءَ یا کہ تنزیمی ءَ جیڑہ ای نہ بوتگ۔ میسم ئے لوگے مردمان ءَ گوشتگ: اگاں کسی ءَ مئے گون ءَ ھساب ءُ کتابے یا کہ جیڑہ ای ھست، گُڑا مہربانی بہ کننت اے نمبرا وتی گپّاں بہ گوشنت.
09152754027
اولین نفری باشید که دیدگاه مینویسد