رَسانک نیوز/ مروچی یکشمبے 4 آبان ماہ 1404 ءَ، زھک ءِ ھُمَک دمگ ءَ نزامے ٹولی ءُ سلاہ بندین ءُ بے پجّاریں مردمانے ٹکّر ءَ، نزامی ٹولی ءِ دو کارمند کُشگ ءُ ٹپیگ بوتگ.
کُشگ بوتگیں نزامی کارمند ءِ پجّار «مھمدالی پیوستہ»، بُندر ءَ زابل ءِ نندوکیں مردمی ءُ ٹپیگ بوتگیں کارمند ءِ پجّار «ھُسینالی اکبریان»، گوشگ بوتگ.
رَسانک ءِ ھال سرکنوکانے رِد ءَ، سلاہ بندیں مردماں پژو 405 گاڑی ئے نندوک بوتگ اَنت ءُ پد چہ ایشی ءَ کہ نزامی ٹولی ءَ آیانی سرا تیرگواری کرتگ، سلاہ بندیں مردمان ءَ ھم تیر ئے پسّو گوں تیرا داتگ۔ اے ٹکّر ءَ نزامی کارمندی کُشگ ءُ یکی دگہ ٹپیگ بوتگ.
ھال سرکنوکان ءَ گوشتگ: سلاہ بندیں مردماں پہ در روگ ءَ سوبیں بوتگ اَنت.
Be the first to comment