رَسانک نیوز/ چارشمبے 30 مہر ماہ 1404 ءَ، پہرہ ءِ چاہ جمال دمگ ءَ جمہوری اسلامی ءِ امنیتی ٹولی ءُ سلاہ بندیں مردمانی ماں تاریک 5 شہریور ءَ زوریں ٹکّر ءِ وھدا دزگیر بوتگیں بلوچ پد چہ 56 روچ بندیگ بوھگ ءَ چہ دُزاپ ءِ بندیگجاہ ءَ آجو بوتگ.
اے بلوچے پجّار «اھمد ھارونی»، مولاداد ءِ چُک، آروس کرتگ، زھگانے پت، پیشئے بابت ءَ کارگر ءُ دمگ ءَ دُکان ئے واھُند ءُ بُندر ءَ پہرہ ءِ چاہ جمال دمگ ءِ نندوک زانگ بوتگ.
دیمترا رَسانک ءِ ھال سرکنوکان ءَ گوشتگ: اھمد ھارونی ئے لوگ چہ آں لوگ ءَ کہ نزامی ٹولی ءَ اُرش کرتگ ائیوک ءَ دو لوگ میانجی ءَ بوتگ ءُ ھماں وھدا کہ آئی چہ وتی لوگ ءَ ڈنّ شُتگ امنیتی باسک ءَ بید چہ گناہ ءُ کسور ئے سرپد کنگ ءَ آوار جتگ، ھمساھگان ءَ اے ویل چمّ وت دیستگ.
اے بلوچے دزگیر کنگ ءَ پد، آئی ھاندانے مردم پہ ھالے سرپدئے امنیتی ءُ انتزامی ادارہ آن ءَ پہ رندگیری ءَ شُتگ اَنت، بلے داں چُنت روچ ءَ ھچ امنیتی ادارھے آئی ءِ دزگیر کنگ ءِ زمہ واری نہ منّتگ۔ ھمیں سوب ءَ آئی ءِ سرا بستگیں تھمت ءُ آجویی ئے وڑ ءُ پیم ءِ باراوا گیشتریں ھالے دست نہکپتگ.
Be the first to comment