رَسانک نیوز/ چارشمبے 30 مہر ماہ 1404 ءَ، کلات گنج ءِ رمشک شہر ءَ بلوچے ورنایی چہ تیرگواری ءُ تیر ءِ لگگ ءَ سکّ ءَ ٹپیگ بوتگ، اے ویل سانگ ءِ لوٹگے دیوان ءِ سرا پیش اَتکگ۔ سانگ ءِ لوٹگے دیوان ءَ جنک ءُ بچک ءِ براتانی میان ءَ دپ جنگی بوتگ ءُ جنکی برات ءَ تیرگواری کرتگ.
اے بلوچے ورنائے پجّار «اھمد بلوچی»، 17 سالگ، ائید ءِ چُک، پنوچ ءِ گیراں دمگ ءِ نندوک زانگ بوتگ.
رَسانک ءِ ھال سرکنوکان ءَ گوشتگ: اھمد اے ویل ءَ پد، اِشتاپی ءَ نادراہجاہ ءَ سرکنگ بوتگ ءُ تیرگواری کنوکیں مرد چہ جاہ ءَ در شُتگ.
ھال سرکنوکان ءَ اے گپّ ءَ زور داتگ کہ بلوچستان ءَ در کانون ءَ سلاہ ءِ چِست ءُ ایئر ؤ کارمرز کنگ پہ ھمک روچے جنجالے بدل بوتگ. امنیتی ادارہ آنے بلوچستان ءَ سلاہ ءِ بہر کنگ ءُ زمہ وارانی اے سلاہ آنے سرا دلگوش نہ بیئگ ءَ، بلوچستان ءَ جھمنندانے میان ءَ جیڑہ ءُ ٹکّر گیش کرتگ.
Be the first to comment