رَسانک نیوز/ یکشمبے روچ 27 مہر ماہ 1404 ءَ، جاشک ءِ ھوشدان دمگ ءَ چہ سلاہ بندیں مردمانی تیرگواری ءَ بلوچی ءَ تیر وارتگ ءُ ٹپیگ بوتگ۔ ٹپّانے باز بوھگ ءِ سوب ءَ آئی ءَ نادراہجاہ ءِ ICU واڈ ءَ تہا کرتگ.
اے بلوچے پجّار «ابدلرھمن گورگیجی»، 27 سالگ، پیربکش ءِ چُک، بُندر ءَ جاشک ءِ گابریک ءَ ھوشدان دمگ ءِ نندوک زانگ بوتگ.
رَسانک ءِ ھال سرکنوکانے رِد ءَ، سلاہ بندیں مردماں کہ سواری گاڑی ئے نندوک بوتگ اَنت، ابدلرھمن ءِ سرا تیرگواری کرتگ، آئی ءَ تیر وارتگ ءُ کما ءَ شُتگ۔ ابدلرھمن سئے روچ ءَ پد ھوش ءَ اَتکگ بلے ھالت ءِ نگیگ بوھگ ءِ سوب ءَ انگت ءَ ماں ICU واڈ ءَ تھت ءِ باھوٹ اِنت.
ھال سرکنوکان ءَ گوشتگ: مردمان ءَ آئی ءِ جنوکانی پجّار زانتگ، بلے داں انگت ءَ نزامی ادارہ آن ءَ آیانی ھلاپ ھچ گامگیجی نہ کرتگ.
Be the first to comment