شستون ءَ آوار جنوکیں مردمان ءَ چہ وانگجاہ ءِ سرویس ءَ بلوچے چکّے ءَ پد چہ تیرگواری ءُ ڈریور ءِ لٹ ءُ شاپ ءَ آوار جتگ

رَسانک نیوز/ زی 29 مہر ماہ 1404 ءَ، شستون ءَ چہ وانگجاہ ءَ واتر بوھگ ءِ وھدا سلاہ بندین ءُ بے پجّاریں مردماں، وانگجاہ ءِ سرویس ءِ پدا کپتگ اَنت ءُ گاڑی ئے سرا تیرگواری کرتگ۔ بے پجارین ءُ سلاہ بندیں مردمان ءَ ڈریور ءِ لٹ ءُ شاپ ءَ پد 13 سالگیں بلوچے چکی ءَ آوار جتگ۔ اے ویل ھماں وھدا پیش اَتکگ کہ چکّے ھاندان ءُ لوگے مردمان ءَ گوں کسی ءَ مالی یا کہ زاتی جیڑہ اے نیست اِنت۔ آوار جنوکانے پجّار ءُ آیانی سوب چہ اے کارا داں انگت زانگ نہ بوتگ.

آوار جنگ بوتگیں چکّے پجّار «یزدان ملک‌زادہ»، 13 سالگ، آدل ءِ چُک، بُندر ءَ شستونے زنگیان دمگ ءِ نندوک گوشگ بوتگ.

رَسانک‌ ءِ ھال سرکنوکانے رِد ءَ، اُرش کنوکان ءَ وانگجاہ ءِ گاڑی ءِ اُوشتارینگ ءَ پد ڈریور ءَ سکّ ءَ لٹ ءُ شاپ کرتگ ءُ یزدان ءَ گوں وت ءَ بُرتگ۔ گوشنت اے ویل روچے ساھت 12 ءَ پیش اتکگ، ویل ءَ بیست ءُ چار ساھت گوستگ بلے داں انگت ءَ اے چُکّے ھالے سرپدئے دست نہ کپتگ.