رَسانک نیوز/ سئے شمبے 29 مہر ماہ 1404 ءَ، چھبار ءِ گواتر دمگ ءَ گوں امنیتی باسک ءِ دریا ئے سیمسراں چاروگیں ٹولی ءِ پد کپگ ءُ تچکیں تیرگواری ءَ، بلوچے ٹیلکشّے ءَ تیر وارتگ ءُ ساہ داتگ۔ آیاں کہ چمّ وت اے ویل دیستگ گوشتگش: امنیتی ٹولی ءَ بید چہ پیسریگیں جار ءُ توار ءَ تیرگواری کرتگ کہ گوں ٹیلکشّوکیں گاڑی ئے ڈریور ءِ مرک ءَ آسر بوتگ.
رَسانک ءَ اے بلوچے پجّار «ھمید رند»، 28 سالگ، ھُسین ءِ چُک، بُندر ءَ سرباز ءُ انّیگیں وھدا دشتیاری ئے هسینزهی دمگ ءِ جھمنند زانتگ.
ھال ءَ زانوکیں، ھال سرکنوکان ءَ گوشتگ: گواتر ءِ جینگا آنے تُھم ریچ گِرَگ ئے باگاں گوں ھمدپیں راہ ءَ دریا ئے سیمسراں چاروگیں نزامے ٹولی ءَ ٹیلکشّیں گاڑی ءِ پد کپگ ءُ تیرگواری ءَ، گُڑسرا ٹیلکشّیں گاڑی ئے ڈریور ءَ تیر وارتگ ءُ جاہ ءَ ساہ داتگ.
ھال سرکنوکان ءَ گوشتگ: دریا ئے سیمسراں چاروگیں امنیتی ٹولی ءَ ٹیلکشّیں ڈریور ئے بے ساھیں جون گوں وت ءَ بُرتگ ءُ چُنت ساھت ءَ پد آئی ءِ ھاندانے دست ءَ داتگ.
Be the first to comment