پہرہ ءَ سلاہ بندین ءُ بے پجّاریں مردمانے تیرگواری ءَ پت ءُ چُکّے کُشگ ءُ ٹپیگ بوتگ اَنت

رَسانک نیوز/ 25 مہر ماہ 1404 ءَ، پہرہ ءِ مھمدان دمگ ءَ لہتیں سلاہ بندین ءُ بے پجّاریں مردماں نندوکیں لوگی ءَ تہا بوتگ اَنت ءُ تیرگواری کرتگ۔ اے تیرگواری ءَ پت ءُ چُکّے کہ لوگ ءَ نندوک بوتگ اَنت تیر وارتگ، چہ تیر ورگ ءَ پت ءَ جاہ ءَ ساہ داتگ ءُ بچک سکّ ءَ ٹپیگ بوتگ.

رَسانک ءَ کُشگ بوتگیں بلوچے پجّار «یاکوب بامری»، 47 سالگ، بهتیار ءِ چُک آئی ءِ ٹپیگ بوتگیں بچک ءِ پجّار «اِرپان بامری»، 25 سالگ، دوئیں پہرہ ءِ مھمدان دمگ ءِ نندوک زانتگ.

رَسانک ءِ ھال سرکنوکانے رِد ءَ، جنوکیں مردماں پیسرا اِرپان ءِ لوگے سرا اُرش کرتگ ءُ آئی ءِ پت ءَ کہ وتی چُکّے لوگ ءَ بوتگ تیرانے آماچ کرتگ۔ اے تیرگواری ئے تَچکی ءَ آئی ءِ ورنائیں بچک ءَ ھم تیر وارتگ ءُ سکّ ءَ ٹپیگ بوتگ ءُ پہ درمان ءَ کرمانے نادراہجاہ ءَ سر کنگ بوتگ.

داں انگت ءَ جنوکانے پجّار ءُ آیانے سوب چہ اے کارا زانگ نہ‌ بوتگ.