رَسانک نیوز/ 25 مہر ماہ 1404 ءَ، ھپتاد سالگیں مزن اُمریں بلوچے کہ پہرہ ءِ نندوکیں مردمے گوشگ بوتگ، کریب دو ماہ دیمترا چہ لوگ ءَ در اَتکگ ءُ تاں انگت ءَ آئی ءِ ھچ وڑیں ھالے لوگے مردمانے دست ءَ نہ کپتگ۔ اے دوران لوگے مردمانے جُھد ءُ تر ءُ تاب پہ آئی ءِ شوہاز ءَ بے سوب بوتگ۔ دمگ ءِ مردمان ءَ ھم پہ آئی ءِ ھالے دست کپگ ءَ جھد کرتگ، بلے داں انگت ءَ سوبین نہ بوتگ اَنت، اے گپّ ءَ آئی ءِ لوگے مردمانے دل پریشانے گیش کرتگ.
اے ھاندان ئے نزّیکیں مردمان ءَ گوشتگ: «دلمراد بلوچ شارکی»، بید چہ لوگے مردمانے ھال دیگ ءَ، لوگ ءَ چی در کپتگ ءُ داں انگت ءَ ھچ ھال اھوالے نہ کرتگ۔ آئی ءِ لوگے مردمان ءَ چہ جھمنندان ءُ سرکاری ادارہ آں پہ اے مرد ءِ شوہاز کنگ ءَ کمک لوٹتگ.
دلمراد ءِ ھاندان ءَ چہ مھلوک ءَ لوٹتگ ھر کس ءَ اے درگت ءَ ھالے دست کپت، مہربانے بہ کنت، جہلا داتگیں نمبرا ھال آں سر بکنت.
0915 0117149
Be the first to comment