رَسانک نیوز/ پنچشمبے 24 مہر ماہ 1404 ءَ، دلگان ءِ اسپند دمگ ءَ شیرانی ءُ بامری ئے شھدوستی برات رند ءِ میان ءَ سلاھ کاری ءُ رازی نامے دیوانے برجم دارگ بوتگ۔ اے دیوان ءَ دوئیں کبیلہ آنے میان ءَ کُہنیں اَڑ ءُ جیڑہ آں آسر بوتگ اَنت.
دیمترا اے اَڑ ءُ جیڑے سوب ءَ چہ دوئیں نیمگ ءَ دو ورنا کُشگ بوتگ۔ گوں کماش ءُ اسپیت ریشیں مردمان ءُ دمگ ءِ دینی زانتکارانے میانجی گری ءَ دوئیں کبیلہ آنے میان ءَ سلاھ کاری بوتگ.
اے دیوان ءَ چراگ میر اسپندی ءَ بید، دوئیں کبیلہ آنے کماش ءُ سروکیں مردمان ءَ بہر زورتگ۔ دوئیں نیمگ ءِ مردمان ءَ کُرآن ءِ سرا دست ایئر کرتگ ءُ سوگند وارتگ کہ پیسریگیں اَڑ ءُ جیڑ آن ءَ، دژمنی آں ھلاس کننت ءُ چہ نوک سرا پہ براتی ءُ دوستی ءَ یکّ ءَ دگرا گوں ھوار بنت.
Be the first to comment