رَسانک نیوز/ سئے شمبے 22 مہر ماہ 1404 ءَ، بلوچے کارگری کہ پہ کارا کرمان ءَ شُتگ، ھپتگے دیمترا سلاہ بندین ءُ بے پجّاریں مردمان ءَ لٹ ءُ شاپ ءَ گوں کارچ کرتگ ءُ کُشتگ.
رَسانک ءَ اے بلوچے کارگرے پجّار «بھروز دھمردہ»، لال مھمد ءِ چُک، آروس کرتگ، پہرہ ءِ چاہ جمال دمگ ءِ جھمنند زانتگ.
رَسانک ءِ ھال سرکنوکانے رِد ءَ، بھروز دھمردہ ئے ھاندان چہ نا دارین ءُ بَزّگیں مردماں زانگ بنت ءُ پہ ھمیں ھاترا آئی بازیں شہر ءُ دمگ آں پہ کارگری ءَ شُتگ، اے تَچکی ءَ دہ روچ دیمترا پہ کارگری ءَ کرمان ءَ سپری کرتگ، اُداں سلاہ بندین ءُ بے پجّاریں مردمان ءَ آئی ءَ لٹ ءُ شاپ ءَ گوں کارچ کرتگ ءُ کُشتگ. مروچی اے بلوچ ءَ چاہ جمال ءَ مانش ءَ ایئر داتگ.
داں انگت ءَ جنوکان ءُ آیانے پجّار زانگ نہ بوتگ.
Be the first to comment