رَسانک نیوز/ سئے شمبے 15 مہر ماہ 1404 ءَ، بم ءِ بندیگجاہ ءَ بلوچے بندیگے کہ دیمترا پہ کوش ءِ الزام ءَ پاھو ئے ھکم وارتگ، پاھو دیگ بوتگ۔ دوشمبے روچ ءَ اے بندیگ پہ پاھو ئے دیگ ءَ ایوکیں واڈ ءَ شور دیگ بوتگ.
اے بلوچے بندیگے پجّار «مھمد سابکی»، 35 سالگ، بکش الی ئے چُک، آروس کرتگ، دو زھگے پت ءُ بُندر ءَ ریگان ءِ نندوک زانگ بوتگ.
اے ھالے رِد ءَ، مھمد سابکی ماں سال 1398 ءَ دزگیر ءُ پہ آئی ءَ پاھو ئے ھکم بُرّگ بیتگ۔ دوشمبے روچ ءَ آئی چہ ھوریں واڈ ءَ پہ ایوکیں واڈ ءَ شئور دیگ بوتگ۔ ھاندان ءُ لوگے مردمان ءَ گوں آئی ءَ گُڑسریں دیدار کرتگ۔ سےشمبے بانگواہ ءَ بم ئے بندیگجاہ ءَ پاھو دیگ بوتگ.
Be the first to comment