سپاہ ئے روتک ءِ سیمسراں بندگ ءِ پد کرد ءَ، جھمنندان ءَ اُستانداری ءِ دیم ءَ مُچ بوتگ اَنت ءُ زھرشانے کرتگ

رَسانک نیوز/ یکشمبے 13 مہر ماہ 1404 ءَ، دُزاپ ءِ بازیں جھمنندے ءَ سپاہ ئے روتک ءِ سیمسراں بند کنگ ءِ پد کرد ءَ بلوچستان ءِ اُستانداری ءِ ماڑی ئے دیم ءَ مُچ بوتگ ءُ زھرشانے کرتگ۔ اے مُچّی ءُ زھرشانے ھماں وھدا بوتگ کہ چہ روتک ءِ سیمسراں بند کنگ ءَ اُداں نندوکیں مردمانے مالی ءُ ماشی جنجال آں گیش بوھگ اَنت۔ باڈر ءَ کار بار ءُ دے گِرے نہ بوھگ ءَ روتک ءِ دمگ آں جھمنند آنے ماشی جیڑہ آں سکّ باز کرتگ.

سربوتگیں ھال آنے رِد ءَ، اے مُچی ءَ زھرشانے کنوکان ءَ روتک ءِ سیمسراں پیسریگیں وڑا پچ کنگے لوٹ کرتگ۔ سجھیں پابندی آن ءَ کہ سیمسراں نندوکیں مردمانے ماشی جنجال ءِ گیش بوھگ ءِ سوب زانگ بنت، آں پا بندیان ءَ چِست بہ‌ کن‌ اَنت.

گوستگیں ماہ آن ءَ واش ءُ شستون ءُ روتک ءِ جھمنندان ءَ پہ سپاہ ئے سیمسر آنے بند کنگ ءُ پا بندی ئے جنگ ءَ زھرشانے کرتگ۔ سیمسر آنے بندگ ءَ ھزار آں بلوچے ھاندان کہ آیانے ماش ءُ کٹّ کھمایی گوں سیمسر آنے کار ءُ باراں جوڑتگ تَچک ءَ ماشی لِھازا بیہار دیگ بوتگ اَنت۔ اے جاور آنے برجاہ بوھگ ءَ زمہ وارانے پہ بلوچستانے سیمسراں نندوکیں مردمانے ماشی جیڑہ آنے سِندَگ ءَ دلگوش نہ بیئگ ءَ درا کنت ءُ پیش داریت.