کلات گنج ءُ منوجان ءِ راہ ءَ چہ گاڑی ئے لیٹ ورگ ءَ بلوچے ٹیلکشّے ءَ ساہ داتگ

رَسانک نیوز/ شمبے 12 مہر ماہ 1404 ءَ، کلات گنج ءُ منوجان ءِ راہ ءَ چاہ موزی دمگ ءَ بلوچے ٹیلکشّے گاڑی ءَ لیٹ وارتگ ءُ آئی ءَ ساہ داتگ.

اے بلوچے ٹیلکشّے پجّار «شئوکت سابکی ھوت»، 31 سالگ، شکربگ ءِ چُک، بُندر ءَ جازموریانے پنگ دمگ ءِ نندوک زانگ بوتگ.

ٹیلے کَشّگ یکّے چہ پُرھتریں کاراں ماں بلوچستان زانگ بیت، بلے بازیں جھمنندے چہ الکاپیں کارے نہ بوھگ ءَ پہ ٹیلکشّے ءَ دیم کننت، بلوچستان ءَ دمگانے راہان ءُ سیمسرانے راہاں، ایمنی ءِ نہ‌بوھگ ءُ راہانے بندات ءَ شرّی ءِ سرا جوڑ نہ کنگ ءَ ٹیلکشّ آنے کار ثهد کرتگ ءُ آیانی جان ءُ مال ھترا گوں دیمپان اِنت.