رَسانک نیوز/ پنچشمبے 10 مہر ماہ 1404 ءَ، پہرہ ءِ نوکآباد دمگ ءَ ٹیلکشّے سایپا گاڑی ئے گوں پژو گاڑی ءَ ٹوکر ورگ ءُ بُن گرگ ءَ بلوچے ساہ داتگ۔ اے ویل ءَ دوئیں گاڑی بُن گپتگ ءُ آس ءَ سوھتگ اَنت.
اے ویل ءَ مرتگیں بلوچے پجّار «بلال مھمودزھی»، اسھاک ءِ چُک، 20 سالگ، پہرہ ءِ نندوکیں مردمے زانگ بوتگ. رَسانک ئے ھال سرکنوکان ءَ گوشتگ: بلال چہ بازیں ٹپّاں زدگ بوتگ ءُ نہ توانتگ چہ گاڑی ءَ درا بیت، ھمیں وڑا آئی ماں آس ءَ سوھتگ ءُ ساہ داتگ.
ٹیلے کَشّگ یکے چہ پُر ھتریں کاراں ماں بلوچستان ءَ زانگ بیت. بلے بازیں بلوچے، بلوچستان ءَ الکاپین ءُ پکّائیں کار ءِ نہ بوھگ ءَ پہ ناچاری ءَ ٹیلے کَشّگ ءَ دیم کرتگ۔ اے جاور آنے سوب ءَ بلوچستانے راہ آن ءَ ٹیلکشّ آں مُدام مرک ئے دیمپان اَنت، بلوچستانے چاریں کُنڈ آں دل ءَ سندوکیں ویل آں ٹیلکشّ آنے ساہ ءُ مال ءَ بیہار دینت.
Be the first to comment