رَسانک نیوز/ پنچشمبے 10 مہر ماہ 1404 ءِ بانگواہ ءَ، دُزاپ ءِ بندیگجاہ ءَ بلوچے بندیگے پاھو دیگ بوتگ۔ اے بندیگ پہ کوش ءِ الزام ءَ دیمترا دزگیر کنگ بوتگ ءُ جمہوری اسلامی ئے اِنساپے ادارہ ءَ آئی پاھو ئے ھُکم داتگ.
پاھو دیگ بوتگیں مردمے پجّار «سئید براھویی»، 20 سالگ، مھمد شمسالدین ئے چُک ءُ دُزاپ ءِ نندوکیں مردمے زانگ بوتگ.
اے ھالے رِد ءَ، سئید دُزاپ ءَ سالے ءُ سئے ماہ دیمترا ھوریں جیڑہ ءُ جنجالے ءَ پد پہ کوش ءِ الزام ءَ دزگیر کنگ بوتگ۔ اے ٹکّر ءَ مردمے کارچ وارتگ ءُ کُشگ، سئید ءَ ھم گُٹّگ ءَ کارچ وارتگ ءُ ٹپیگ بوتگ۔ اے ٹکّر ءَ پد، سئید دزگیر کنگ بوتگ ءُ دُزاپ ءِ آمیدگِس ءَ آئی پاھو ئے ھُکم داتگ۔ دیمترا ھم سئید پہ پاھو ئے دیگ ءَ ایوکیں واڈ ءَ شور دیگ بوتگ، بلے بندیگجاہ ءِ زمہ واران ءَ آئی ءَ پدا، پہ ھوریں واڈ ءَ رھادگ کرتگ.
Be the first to comment