رَسانک نیوز/ سئے شمبے روچ 8 مہر ماہ 1404 ءِ بیگاہ ءَ، پہرہ ءُ واش ءِ راہ ءَ مرساد ءِ ٹولی ئے کمین ءُ تیرگواری ءَ پژو پارس گاڑی ئے نندوکیں دو بلوچ کشگ بوتگ.
اے جھمنندانے پجّار «اکبر شہبکش»، ایسا ئے چُک، «امان کلندرزھی»، مھمود ءِ چُک، دوئیں دُزاپ ءِ نندوکیں مردم زانگ بوتگ اَنت.
رَسانک ءِ ھال سرکنوکانے رِد ءَ، مرساد ءِ ٹولی ءَ کہ سئے گاڑی ءِ نندوک بوتگ اَنت، پژو پارس گاڑی یے ءَ تیرانے آماچ کرتگ ءُ پہ رگبار ءَ بستگ۔ گاڑی ئے نندوکیں دو بلوچ ءَ تیر وارتگ ءُ جاہ ءَ ساہ داتگ.
گوشگ لوٹیت: پہرہ ءِ انتزامی باسک ءِ کمانڈر ءُ سروک «سرہنگ مُرتزا نوری پناہ» ءَ گوں سرکارے میڈیا ءَ گوشتگ: پژو پارس گاڑی چہ کاچاکیں سامان ءَ بار بوتگ.
Be the first to comment