رَسانک نیوز/ چارشمبے 9 مہر ماہ 1404 ءَ، دشتیاری ءِ ریمدان دمگ ءِ ھاکی راھی کہ دیم پہ ھوری ءَ در کئیت، دو باری لندکروز گاڑیان ءَ ٹوکر وارتگ ءُ در گپتگ اَنت۔ گاڑیانے دوئیں ڈریور آس ءَ سوھتگ ءُ ساہ داتگ.
کُشگ بوتگیں دوئیں بلوچے ٹیلکشّ آنے پجّار داں انگت زانگ نہ بوتگ.
رَسانک ءِ ھال سرکنوکانے رِد ءَ، یکے چہ دوئیں گاڑیاں ٹیل ءَ بار بوتگ ءُ دومے ھالیگ بوتگ، گاڑیانے ٹوکر ورگ ءَ آس در کپتگ۔ اے ویل ءَ دوئیں ڈریور آں آس ءَ سوھتگ ءُ ساہ داتگ۔ بلے سئے اُمیں مردم کہیکے چہ ڈریور آنے ھمراہ بوتگ اے ویل ءَ رکّتگ.
Be the first to comment