ریگان ءَ نزامی ٹولی ءِ پدا کپگ ءُ گاڑی ئے لیٹ ورگ ءَ بلوچے ٹیلکشّے کُشگ بوتگ

رَسانک نیوز/ 5 مہر ماہ 1404 ءَ، ریگان ءَ نزامی ٹولی ءِ پدا کپگ ءَ بلوچے ٹیلکشّے ویل ءَ کپتگ۔ آئی ءِ گاڑی پژو 405 ماڈلے بوتگ، گاڑی چہ راہ ءَ در اَتکگ ءُ لیٹ وارتگ۔ پد چہ ایشی ءَ گاڑی بُن گپتگ ءُ ڈریور آس ءَ سوھتگ ءُ ساہ داتگ.

اے بلوچے ٹیلکشّے پجّار «وھید ریکی» (شہلی‌بر)، 27 سالگ، کادر ءِ چُک، دو زھگے پت ءُ پہرہ ءِ نندوک زانگ بوتگ.

اے ھالے رِد ءَ، وھید ئے بے ساھیں جوں آس ءَ سوھتگ ءُ آئی ءِ لوگے مردمان ءَ گوشتگ: مئے دوستیں مردمے چہ دست ءَ شُتگ ءُ اِیشی ءَ ھور مزنیں نا اِنساپے یے مئے گون ءَ بوتگ.