رَسانک نیوز/ شمبے 5 مہر ماہ 1404 ءَ، مھدی بکشی کرمانے اِنساپ ءِ ادارے مسترا گوشتگ: سوشل میڈیا ئے اینستاگرام ئے پتّر ءَ پہ سلاہ بندیں بلوچے گل آن ءَ باسک ءِ نئز آرگ ءِ الزام ءَ بکوچے دزگیر کنگ بوتگ۔ بکشی ءَ اے درگت ءَ راستین ءُ تچکیں گپّ نہ گوشتگ اَنت ءُ آئی ءِ دزگیر کنگ ءِ سوب ءَ سوشل میڈیا ءِ چست ءُ ایئر زانتگ.
کرمان ءِ اِنساپ ئے ادارے مسترا اے بلوچے پجّار گوں دو لبز ءَ (م۔م)، درا کرتگ ءُ آئی ءِ ندنام ارسلان سربازی گوشتگ۔ آئی ءَ وتی ھبر آنے راست بوھگ ءَ زور داتگ ءُ گوشتگ: اے بلوچ ءَ سوشل میڈیا ئے اینستاگرامے پتّر ءَ رژیم ءِ ھلاپ ءَ پروپگنڈہ کرتگ، پہ جیش الادل ءُ انسار الپرکان ءِ سلاہ بندیں گل آن ءَ باسک نئز آرتگ. اے بلوچ چہ گوستگیں نُھیں ماہ آں گوں اے تنزیم آں جوڑتگ.
گوشگ لوٹیت: ایران ءِ سرکار گوستگیں سال آن ءَ بازیں بلوچے ءَ در کانون ءَ دزگیر کرتگ ءُ زور ئے سرا آیانی منّینتگ ءُ آیانے سرا امنیتی پروندہ ے جتگ۔ اے ناشرکاریاں جھمنندانے بنیادے ھکّانے پادلپاش کنگ زانگ بنت.
Be the first to comment