ریگان ءَ نزامی ٹولی ءِ پدا کپگ ءَ دو بلوچے ٹیلکشّ ٹپیگ بوتگ

رَسانک نیوز/ جمے روچ 4 مہر ماہ 1404 ءَ، ریگان ءِ راہ ءَ نزامی ٹولی ءِ پدا کپگ ءَ دو بلوچے ٹیلکشّ ویلے ءَ کپتگ اَنت۔ اے ویل ءَ ٹیلکشّ آنے پژو پارس گاڑی چہ راہ ءَ در اَتکگ ءُ لیٹ وارتگ ءُ ڈریور ءُ آئی ءِ ہمراہ سکّ ءَ ٹپیگ بوتگ اَنت.

ٹپیگ بوتگیں دوئیں بلوچے ٹیلکشّ آنے پجّار «ابراھیم آتش‌پنجہ دامنی»، کمبر ءِ چُک، 28 سالگ، «نزیر آریان»، الی ءِ چُک، 21 سالگ، بُندر ءَ پہرہ ءِ مردم زانگ بوتگ۔ انّیگیں وھدا آیاں ماں کرمانے نادراہجاہے ءَ تھت ئے باھوٹ اَنت ءُ آیانے ھالت نگیگ گوشگ بوتگ.