رَسانک نیوز/ پنچشمبے 3 مہر ماہ 1404 میرجاوہ ئے ریک ملک زِلّھے تہلاپ دمگے جھمنندان ءَ پہ وتی دمگ ءِ آپ ءَ دگہ دمگ آن ءَ دیگ بوھگ ءَ، مُچ بوتگ ءُ زھرشانے کرتگ، آیان ءَ گوشتگ: آں روچ دور نہ اِنت کہ بے آپی ءِ گپچل آیانے گُٹّ ءَ ھُشک کنت.
گوشگ بیت: اے دمگے جھمنندان ءَ ھماں وھدا مُچ بوتگ ءُ زھرشانے کرتگ کہ ایرانے سرکار آیانے دمگ ءِ آپ ءَ پہ دگہ جاگہ آں شور داتگ ءُ اُدے کاشت کاری چہ دست ءَ شُتگ.
زھرشانے کنوکیں مردمان ءَ گوشتگ: سرکار ءَ سیمسراں بستگ اَنت ءُ مالے پیدا وار نیست اِنت ءُ آپ ءَ ھم پہ دگہ جاگہ آں شور دیگ اِنت کہ مئے کاشت کاری ءُ مالداری ءَ ھم ھلاس بہ کنت.
Be the first to comment