نیمروز ئے ماککی سیمسراں چہ ایرانے باڈرے چاروگیں امنیتی ٹولی ءِ تیرگواری ءَ بلوچے ٹیلکشّے کُشگ بوتگ

رَسانک نیوز/ زی 2 مہر ماہ 1404 ءَ، ایرانے سیمسراں چاروگیں امنیتی ٹولی ءِ کنگ ئے زِلّھے ماککی دمگے جھمنند آنے سرا وت سریں تیرگواری کرتگ، آیاں چہ سیستان ءِ بڈّوکی آں ٹیلے زورگ ءَ آتکگ اَنت۔ بلوچے ٹیلکشّ ءَ سرا تیر وارتگ ءُ جاہ ءَ ساہ داتگ.

اے بلوچے ورنائے پجّار «سئید رکشانے»، ھُدانزر ئے چُک، بُندر ءَ نیمروز ءِ نندوکیں مردمے زانگ بوتگ.

رَسانک ءِ ھال سرکنوکان ءَ گوشتگ: آئی ءَ یک گیلنی پٹرول گون بوتگ ءُ پیادگ ءَ سیمسراں رد کرتگ ءُ ھماں وھدا کہ نیمروزے ھاکے تہا بوتگ، ایرانے سیمسراں چاروگیں امنیتی ٹولی ءَ آئی ءِ سرا تیرگواری کرتگ ءُ کُشتگ.

ایرانی سیمسراں چاروگیں ٹولی ءَ اے کاروایی ڈنّ چہ کانون ءُ انسانے اُسول آنے ھلاپ کرتگ، اے کاروایی ایرانے امنیتی ٹولی ءِ بلوچانے گون ءَ سیمسراں پہ ھژم ءُ تُرندے سرا پیش اَتک ءَ درا کنت. ایرانے امنیتی باسک ءِ کارمنداں انّیگیں سال آنے تہا باڈرے اے دیم ءُ آں دیمے بلوچانے سرا وت سرین ءُ بے رھبندیں تیرگواری کرتگ، اے تیرگواری آں بازیں بلوچے کُشگ ءُ باز دگہ ٹپیگ بوتگ. اے ویل آنے بُن ءُ ریشّگ سرکارے ڈلگچاری ئے سیاست اِنت۔ سرکار بلوچان ءَ الکاپیں کارے موہ نہ دنت آیاں چہ مجبوری ءَ پر ھتریں کار آں دیم کن اَنت.