شستون ءَ بے پجّاریں مردمان ءَ بلوچے آوار جتگ ءُ لوگے مردمان ءَ پہ آئی ءِ شوہاز ءَ چہ جھمنند آں کمک لوٹتگ

رَسانک نیوز/ شمبے 29 شہریور ماہ 1404 ئے شپ ءِ ساھت یازدہ ءَ شستونے نندوکیں 17 سالگیں بلوچے ورنایی کہ آئی ءِ نام «مبین نورایی راد»، دادمھمد ءِ چُک چہ شستونے ھمزہ روڈ ءَ پژو گاڑی ئے نندوکیں مردمان ءَ آوار جتگ۔ اے ویل ءَ 24 ساھت ءَ پد، داں انگت ءَ آئی ءِ ھالے سرپدئے دس نہ کپتگ۔ اے ورنائے ھاندان ءُ رَسانک ءِ ھال سرکنوکان ءَ گوشتگ: اے ورنایا گوں ھچ کس ءَ چِست ءُ ایئرے نہ بوتگ ءُ اے وھدا آیان ءَ پہ مبین ئے شوہاز ءَ جھمنند آنے کمک پہ کار اِنت.

رَسانک ءِ ھال سرکنوکانے رِد ءَ، مبین ءُ آئی ءِ دو ھمسروکیں سنگت لوگے دیم ءَ نندوک بوتگ اَنت کہ پژو گاڑیے گوں چیریں نمبر پلیٹ ءَ جاہ ءَ داشتگ ءُ مبین ءَ گاڑی ءَ تہا کرتگ ءُ گوں وت برتگ۔ اے ویل ءَ پد لوگے مردمان ءَ پلیس 110 ءَ رپوٹ کرتگ، بلے آیاں جاہ ءَ سر نہ بوتگ اَنت ءُ کلانتری ئے زمہ واران ءَ ھم گوشتگ: پہ رپوٹے لکّگ ءَ زلور اِنت کہ ھاندان ءُ لوگے مردمانے وتی جِند کلانتری ءَ سر بہ بنت.

رَسانک ءِ ھال سرکنوکان ءَ گوشتگ: اے ویل ءَ 24 ساھت ءَ پد، داں انگت ءَ آوار جنوکان ءَ گوں مبین ءِ لوگے مردمان ءَ ھال اھوال نہ کرتگ۔ مبین ئے لوگے مردمان ءَ چہ جھمنندان ءَ لوٹتگ ھر کس ءَ اے درگت ءَ ھالے دست کپت، ھال آں اے نمبر ءَ سر بہ کنت 09152430722

اے ویل ءَ بلوچستان ءَ ورنایان ءُ جھمنند آنے ایمنی ءِ بابت ءَ دل پریشانے آں گیش کرتگ ءُ پلیس ءُ امنیتی ادارہ آنے بے پرواھی درا کرتگ.