رَسانک نیوز/ 23 ءُ 25 ءِ شہریور ماہ 1404 ءِ بانگواہ ءَ، سوبے ھُراسان رزوی ءِ کاشمر ءُ گناباد ئے بندیگجاہ آن ءَ دو بلوچے بندیگ کہ دیمترا پہ منشیات ءُ مواد ءِ الزام ءَ پاھو ئے ھُکم وارتگ، پاھو دیگ بوتگ۔ آیاں ھماں وھدا پاھو دیگ بوتگ اَنت کہ لوگے مردمانے سرا زور کنگ ءُ گمان داریں اِنساپ ئے کارمرز کنگ داں انگت بر جاہ اِنت.
کاشمر ئے بندیگجاہ ءَ پاھو دیگ بوتگیں بلوچے بندیگے پجّار «رزا سارانے»، 51 سالگ، ھیدر ئے چُک، آروس کرتگ ءُ دو زھگے پت، بُندر ءَ زابلے نندوک زانگ بوتگ۔ گناباد ئے بندیگجاہ ءَ پاھو دیگ بوتگیں بندیگے پجّار «پرویز یوسپزھی»، 27 سالگ، شیر اھمد ئے چُک، لُنڈ، بُندر ءَ دُزاپ ءُ انّیگیں وھدا ساری ئے جھمنند زانگ بوتگ.
شنگ بوتگیں ھالانے رِد ءَ، رزا ءُ پرویز ھر دوئیں ماں سال 1399 ءَ، کاشمر ءُ گناباد ءِ شہرآں پہ مواد ءِ الزام ءَ دزگیر کنگ بوتگ اَنت ءُ گوں پروندہ آنے دیمروی ءَ پاھو ئے ھکم وارتگ.
گوشگ لوٹیت: پرویز یوسپزھی بید چہ لوگے مردمانے گُڑ سریں دیدار ءَ پاھو دیگ بوتگ.
بلوچے بندیگ آنے ماں ایرانے بندیگجاہ آن ءَ پاھو دیگ ھماں وھدا گیش بو آن اِنت کہ بلوچے بندیگ آنے ھاندان ءُ لوگے مردم چہ نااِنساپے ءُ امنیتی ادارہ آنے داتگیں زھنی جنجال آں، گِلگ کرتگ ءُ اے گپّ ءَ دُرستیں بلوچ سماج ءَ دل پریشاں کرتگ.
Be the first to comment