رَسانک نیوز/ یکشمبے روچ ءَ 23 شہریور ماہ 1404 ءَ، سرباز ءُ راسک ءِ راہ ءَ چہ ٹیل ءَ باریں گاڑیئے ویلے ءَ پد بُن گپتگ ایشی ءِ رند چُک ءَ ساہ داتگ ءُ آئی ءِ پت سکّ ءَ ٹپیگ بوتگ.
ٹپیگ بوتگیں بلوچے ٹیلکشّے پجّار «اھمد مھمودزھی»، 38 سالگ، ھیرمھمد ءِ چُک، بلوچے ٹیلکشے چُکے پجّار «سناءاللہ مھمودزھی»، 8 سالگ ءُ اھمد ءِ چُک، پہرہ ئے الیآباد دمگ ئے نندوکیں مردم زانگ بوتگ اَنت.
اے ھالے رِد ءَ، اے ویل نیم روچ ءِ ساھت دو ءَ ھماں وھدا کہ اھمدوتی کسانیں چُکّے ھمراہ ءَ چہ ٹیل ءَ باریں گاڑی ءَ گوں راہ ءَ روگ ءَ بوتگ۔ گاڑی ءَ ٹوکر وارتگ ءُ بُن گپتگ چہ سوچک ئے ٹپّانے باز بوھگ ءَ چُک ءَ ساہ داتگ ءُ آئی ءِ پت سک ٹپیگ بوتگ ءُ پہ درمان ءَ راسک ءِ نادراہجاہ ءَ سرکنگ ءَ رند، پہ شرتریں درمانے ءَ دُزاپ ءِ نادراہجاہ ءَ دیم داتگ۔ بلے آئی ءِ ھالت نگیگ گوشگ بوتگ.
Be the first to comment