رَسانک نیوز/ چارشمبے 26 شہریور ماہ 1404 ءَ، اسپہانے بندیگجاہ ءَ دو بلوچے بندیگ پاھو دیگ بوتگ۔ اے دوئیں بندیگ دیمترا پہ منشیات ءُ مواد ءِ الزام ءَ دزگیر ءُ پاھو ئے ھُکم وارتگ۔ ھاندانے مردمان ءَ پروندہ ئے دیمروی ءَ ڈنّ چہ اِنساپ زانتگ.
اے دوئیں بلوچے بندیگے پجّار «ندیم اشرپزادہ »، 38 سالگ، سیدمھمد ءِ چُک، چھبار ءِ نندوک «ابدلکادر سرگلزایی»، 36 سالگ، مہر الی ئے چُک، دُزاپ ئے نندوکیں مردمے زانگ بوتگ.
سیادان ءَ گوشتگ: ندیم اشرپزادہ سال 1396 ءَ اسپہانے نائین ءِ شہر ءَ دزگیر بوتگ۔ پد چہ ھشت سال بندیگ بوھگ ءَ، پاھو دیگ بوتگ. ابدلکادر سرگلزایی ئے ھاندان ءُ لوگے مردمان ءَ گوشتگ: آئی کارگری بوتگ ءُ چہ اداں پیش ھم آئی ءِ ھلاپ ھچ پیمیں پروندہ اے نہ بوتگ دزگیر کنگ ئے وھدا ھم چہ آئی ءَ ھچ پیمیں موادے دست نہ کپتگ ءُ بید چہ الزامے اَلّم بوھگ ءَ پاھو دیگ بوتگ.
اے دوئیں بلوچے بندیگے لوگے مردم سئے شمبے 25 شیریور ماہ 1404 ءَ پہ گُڑ سریں دیدار ءَ سوبین بوتگ اَنت.
Be the first to comment