رَسانک نیوز/ سئے شمبے 25 شہریور ماہ 1404 ءِ بانگواہ ءَ، بیرجند ءِ بندیگجاہ ءَ دو بلوچے بندیگ کہ دیمترا پہ منشیات ءُ مواد ءِ الزام دزگیر کنگ بوتگ اَنت ءُ پاھو ئے ھکم ءِ وارتگ، پاھو دیگ بوتگ اَنت.
اے دوئیں بلوچے بندیگ ئے پجّار «ابدلسمد سالارزھی»، 42 سالگ، ھان‌مھمد ءِ چُک، آروس کرتگ ءُ شش زھگے پت، ھیرمند ئے نندوک۔ «ابدلمجید براھویی»، 41 سالگ، کوس‌الدین ئے چُک ءُ بُندر ءَ دُزاپ ءِ نندوک زانگ بوتگ.
اے ھالے رِد ءَ، ابدلسمد چار سال ءُ نیم ءُ ابدلمجید شش سال دیمترا، بیرجند ءَ پہ منشیات ءُ مواد ئے الزام ءَ دزگیر کنگ ءَ پد، پاھو ئے ھُکمش وارتگ، زی بانگواہ ءَ بیرجند ءِ بندیگجاہ ءَ پاھو دیگ بوتگ اَنت، ابدلمجید ءَ بید چہ آئی ءِ لوگے مردمانے ھال دیگ ءُ گُڑسریں دیدار ءَ پاھو داتگ.
Be the first to comment