رَسانک نیوز/ سئےشمبے روچ ءَ 18 شہریور ماہ 1404 ءَ، دُزاپ ہے آزادی روڈ ءَ سادہ پوشیں امنیتی ٹولی ءَ نان ئے تندور ے سرا اُرش کرتگ ءُ ھپدہ سالگیں بلوچے ورنایی ءَ دزگیری ءَ پد چیریں جاگہے برتگ. اے کاروایی دمگ ءِ نندوکیں مردمانے دیم ءَ بوتگ ءُ امنیتی ٹولی وتی کاروایی ئے باراوا ھچ نہ گوشتگ۔ اے ویل ءَ آوار جتگیں بلوچے ورنا ئے سیاد ءُ لوگے مردم سکّ ءَ دل پریشاں کرتگ.
اے بلوچے ورنا ئے پجُار «اُمَر سپرزایی»، 27 سالگ، پکیراللہ ئے چُک ءُ دُزاپ ءِ نندوک زانگ بوتگ.
اے بلوچے سیادان ءَ گوشتگ: ساھت دو ئے نیم روچ ءَ سادہ پوشیں امنیتی ٹولی بید چہ سرکار ے ھُکم ءَ نانے تندور ءَ تہا بوتگ اَنت ءُ اُمَر آوار جتگ ءُ گوں وت ءَ برتگ.
داں انگت اے ورنا ئے آوار جنگ ءِ پُژدر، آئی ءِ سرا بستگیں الزام ءُ آئی ءِ دارگ ئے جاگہ زانگ نہ بوتگ. اے گپّ ءَ آئی ءِ لوگے مردم آنے دل پریشانے گیش کرتگ.
Be the first to comment