رَسانک نیوز/ 18 شہریور ماہ 1404 ءَ، چھبار ءِ پلاژ ئے تیاب ءَ میاں سالین ءُ بے پجّاریں بلوچے ئے لاش ءَ دمگ ءِ رھگیریں مردمانے گوں چیئر گوریگ ءُ لُنگے کہ آئی ءِ سرین ءَ بستہ بوتگ دست کپتگ.
اے بلوچے پجّار ءُ آئی ءِ کُشگ ءِ وڑ ءُ پیم زانگ نہ بوتگ.
رَسانک ئے ھال سرکنوکان ءَ گوشتگ: اے بلوچے بے ساھیں جون تیاب ءِ دپ ءَ دست کپتگ ءُ مزنیں وھدے ءَ ھموداں ایئر بوتگ. جھمنندان ءَ پہ کلانتری ئے ٹولی ءُ کمک سرکنوکیں باسک ءَ ٹیلیپون کرتگ بلے آیاں جاہ ءَ سر نہ بوتگ اَنت.
گوشگ لوٹیت: رَسانک ءَ سربوتگیں ویڈیو ئے تہا چہ مرتگیں مردے چمّاں ھونے رُمبگ جاہ کئیت، گُمان اِیشنت کہ آئی ءِ مرک ءَ مزنیں وھدے گوستگ ءُ جون لاگر ءُ ھُشک تَر اِتگ.
Be the first to comment