رَسانک نیوز/ چارشمبے شپ ءَ 12 شہریور ماہ 1404 ءَ، چھبار ءِ جنگارک دمگ ءَ سلاہ بندین ءُ بے پجّاریں مردمان ءَ بلوچیئے سرا اُرش ءَ پد، آئی ءَ آوارش جتگ ءُ کُشتگ. جنوکان ءَ پیسرا گاڑی آئی ءِ سرا گوازینتگ، پد چہ ایشی ءَ اے بلوچ ءَ دگہ جاگہے برتگ ءُ لٹ ءُ شاپ کرتگ ءُ کُشتگ.
اے بلوچے پجّار «امان جنگارکی»، امامبکش ئے چُک، بُندر ءَ چھبار ءِ جنگارک دمگ ءِ مردمے زانگ بوتگ.
اے ھالے رِد ءَ، جنوکان ءَ امان ءِ سرا گاڑی گوازینگ ءَ پد، آئی ءَ چہ دمگ ءَ ڈنّ برتگ ءُ آزار داتگ، آئی ءِ پاداں چُنت جاہ ءَ پُروشتگ اَنت ءُ گُڑ سرا امان ءَ تیرش جتگ ءُ کُشتگ۔ جنوکان ءَ آئی ءِ بے ساھیں جون ھموداں یل داتگ ءُ در شُتگ اَنت.
داں انگت ءَ اے ڈوھ ئے کنوک آنے پجّار زانگ نہ بوتگ. بے ستکیں ھالانے رِد ءَ، اے ڈوھ ئے پُژدر ھاندانے اَڑ ءُ جیڑے زانگ بوتگ.
Be the first to comment