رَسانک نیوز/ پنچشمبے 13 شہریور ماہ 1404 ءِ بانگواہ ءَ، یزد ءِ بندیگجاہ ءَ بلوچے بندیگے کہ دیمترا پہ کوش ءِ الزام ءَ دزگیر ءُ پاھو ئے ھُکم وارتگ، پاھو دیگ بوتگ۔ دیمترا آئی ءِ سیاد ءُ بلوچے اسپیت ریشیں مردمان ءَ گوں شکایست کنوکان ءَ رازی نامہ ءُ سلاھ کاری ئے جُھد کرتگ، بلے سوبیں نہ بوتگ.
اے بلوچے بندیگے پجّار «ابراھیم سَپّاری (مینگل)»، 22 سالگ، ابدلگپور ئے چُک، بُندر ءَ دُزاپ ءِ مردم ءُ انّیگیں وھدا یزد ءَ جھمنندے زانگ بوتگ.
رَسانک ئے ھال سرکنوکانے رِد ءَ، ابراھیم سَپّاری پنچ سال دیمترا یزد ءَ پہ کوش ءِ الزام ءَ دزگیر ءُ اُدے آمیدگس ءَ آئی ءَ پاھو ئے ھُکم داتگ.
ھال سرکنوکان ءَ گوشتگ: ویلے وھدا چہ نازانتی ءَ اے کوش بوتگ ءُ اے دوران ءَ کماش ءُ اسپیت ریشیں مردمان ءَ گوں شکایست کنوکان ءَ رازی نامہ ءُ سلاھ کاری ئے جُھد کرتگ، بلے دیمیں مردمان ءَ نہ منّتگ. ابراھیم سئے شمبے روچ ءَ پہ ایوکیں واڈ ءَ شور دیگ بوتگ ءُ 12 شہریور ماہ ءَ، یزد ءِ بندیگجاہ ءَ گوں لوگے مردمان ءَ گُڑسریں گندوک کرتگ.
Be the first to comment