رَسانک نیوز/ بیگاہی 10 شہریور ماہ 1404 ءَ، شستون ءَ سلاہ بندین ءُ بے پجّاریں مردماں کہ پژو پارس گاڑی ئے نندوک بوتگ اَنت۔ بلوچے ءَ چہ آئی ءِ لوگے دیم ءَ آوار جتگ ءُ چیریں جاگہے برتگ، اے ویل ءَ دمگ ءُ لوگے مردم سک دل پریشاں کرتگ.
اے بلوچے پجّار «ناسر امرا»، 26 سالگ، سیاوش ءِ چُک، بُندر ءَ شستونے نندوکیں مردمے زانگ بوتگ.
رَسانک ءِ ھال سرکنوکانے رِد ءَ، اے ویل کریب ساھت 19 ءَ پیش اَتکگ ءُ داں انگت ءَ آئی ءِ ھالے سرپدئے نیست اِنت۔ آئی ءِ لوگے مردم سکّ دل پریشان ءُ لوگ ءَ ناآرامے ءُ گم ئے سما اِنت.
اے ویل ھماں وھدا پیش اَتکگ کہ چہ بلوچستانے بازیں دمگاں جھمنند آنے آوار جنگ ءُ بیگواہ کنگ ءِ ھال شنگ ءُ سربوتگ. اے ویلان ءَ درا کرتگ کہ بلوچستان ءَ ایمنی ئے نہ بوھگ ءِ سوب اُدے زمہ وارانی بے پرواھی اِنت.
Be the first to comment