رَسانک نیوز/ سُہب ءَ 9 شہریور ماہ 1404 ءَ، پہرہ ئے نوکآباد سرہنگ دمگ ءَ پٹ پٹی ءَ سوار دو بے پجّاریں مردماں بلوچے پنچ سالگیں چُکے ءَ ھماں وھدا آوار جتگ ءُ بیگواہ کرتگ کہ آئی وتی پیروک ئے لوگے دیم ءَ اُشتوک بوتگ۔ آوار جنوکان ءَ آئی ءَ زور ءِ سرا پٹ پٹی ءَ سوار کرتگ ءُ گوں وت ءَ چیریں جاگہے برتگ.
اے بلوچے گونڈیں چُکے پجّار «پرھام بامری»، 5 سالگ، ھسن ءِ چُک ءُ دلگان ءَ ھسینآباد دمگے نندوک زانگ بوتگ.
رَسانک ئے ھال سرکنوکانے ِرد ءَ، داں انگت ءَ آوار جنوکانے پجّار ءُ آیانی سوب چہ اے چُکے آوار جنگ ءُ بیگواہ کنگ ءَ زانگ نہ بوتگ۔ چُکے سیاد ءُ لوگے مردم باز دل پریشان اَنت.
اے چُکے لوگے مردمان ءَ چہ جھمنندان ءَ لوٹتگ اے ویلے درگت ءَ ھر کس ءَ ھالے دست کپت، ھالاں داتگیں نمبرا سر بہ کنت: 09159991274
Be the first to comment