رَسانک نیوز/ شمبے 8 شہریور ماہ 1404 ءِ شپ ءَ، کرمان ئے سوبے سپاہ ءِ ساراللہ ئے اوامی چِست ایئر آنے دپترا سرہنگ پاسدار «رھیم مھمدی»، ساراللہ ئے کاروایی کنوکیں چل ءُ یکمیں لشکرے پاسدار ئے کُشگ بوھگے ھال شنگ کرتگ. اے ھال ءَ گوشتگ: سرہنگ رھیم مھمدی ھماں وھدا کہ وتی کاراں دلگوش بوتگ شستونے سیمسراں کوھگ دمگ ءَ کُشگ بوتگ.
اے ھالے رِد ءَ، زی شہریور ئے 8 تاریک ءَ، سرہنگ پاسدار مھمدی شستون ءِ سیمسراں وتی کار ے سرا کُشگ بوتگ.
لہتیں ھال سرکنوکان ءَ گوشتگ: شستونے سیمسران ءَ سلاہ بندیں مردمان ءَ سپاہ ءِ کیمپ ئے سرا اُرش ءُ تیرگواری کرتگ، سرہنگ مھمدی ھمیں اُرش ءُ تیرگواری ءَ کُشگ بوتگ.
گوشگ لوٹیت: سپاہ ءِ اوامی چِست ایئر آنی دپترا وتی شنگ کرتگیں ھال ءَ آئی ءِ کُشگ بوھگے وڑ ءُ پیم ءَ نہ گوشتگ.
Be the first to comment