رَسانک نیوز/ 5 شہریور ماہ 1404 ءَ، پہرہ ءُ سرباز ءِ میان راہ ءَ، کھیری چیک پوسٹ ءِ نزّیک ءَ ٹیلکشّیں سایپا گاڑی ئے لیٹ ورگ ءُ بُن گِرَگ ءَ گاڑی ئے نندوکیں مردماں کہ پت ءُ چُک بوتگ اَنت، ساہ داتگ.
رَسانک ءَ اے بلوچے ٹیلکش آنے پجّار «مھراب آسکانی»، ءُ آئی ءِ چُک «آرمین آسکانی»، پہرہ ئے نندوک زانتگ.
رَسانک ءِ ھال سرکنوکانے رِد ءَ، اے دوئیں ٹیلکش پہرہ ءُ سرباز ءِ میان راہ ءَ وتی گاڑی ءَ گوں روگ ءَ بہ اَنت، گوں گاڑی ئے لیٹ ورگ ءُ بُن گِرَگ ءَ آیاں ماں آس ءَ سوھتگ اَنت ءُ ساہ داتگ.
بلوچستان ءَ الکاپین ءُ پکّائیں کارے نہ بوھگ ءَ اُدے مردمان ءَ چہ مجبوری ءَ ٹیلکشّگ ءِ کار دست گپتگ۔ ٹیلے کشّگ اُدے ھاندان آنے زندمانے مالی گپت گیر ءُ زلورت آں ٹاھینگ ءَ یکّیں در ءُ چار اِنت. بلے راہاں ایمنی ءِ نہ بوھگ، انتزامی ٹولی ئے تیرگواری ءُ پدا کپگ، گاڑی آنے کُہن ءُ کلنڈ یا ٹیلکش آنے جان ءُ ساہ ءَ گوں ھترا دیمپان کرتگ.
Be the first to comment