رَسانک نیوز/ چارشمبے روچ ءَ 5 شہریور ماہ 1404 ءَ، جالک ءِ کلّگان دمگ ءَ سلاہ بندین ءُ بے پجّاریں مردمانی لوگے ئے سرا اُرش ءُ تیرگواری ءَ بلوچے جنیں آدمے ءَ تیر وارتگ ءُ ٹپیگ بوتگ.
بلوچے جنیں آدمے پجّار «پرزانہ پازلی»، 32 سالگ، آروس کرتگ ءُ جالک ئے کلّگان دمگے نندوک زانگ بوتگ.
گوشگ لوٹیت: سلاہ بندین ءُ بے پجّاریں مردمان ءَ پرزانہ ئے لوگے دروازگ جتگ ءُ ھنچو کہ آئی ءَ درا پچ کرتگ سلاہ بندیں مردمان ءَ اے بلوچے جنیں آدمے سرا تیرگواری کرتگ ءُ آئی ٹپیگ بوتگ. ٹپیگ بوھگ ءَ پد، اے بلوچے جنیں آدم پہ درمان ءَ نادراہجاہ ءَ سر کنگ بوتگ ءُ داں انگت آئی ءَ پہ درمان ءَ نادراہجاہ ءَ داشتگ.
جنوکانے پجّار ءُ آیانی سوب چہ اے کارا زانگ نہ بوتگ.
Be the first to comment