جالک ءَ ھاندانے جیڑہ ءُ جنجالے ءَ سئے بلوچ ورنا ءَ ھور شش بلوچ ٹپیگ بوتگ

رَسانک نیوز/ پنچشمبے روچ ءَ 30 مرداد ماہ 1404 ءَ، جالک ءَ ھاندانے جیڑہ ءُ جنجالے ءَ سئے ورنا ئے ھوری ءَ شش بلوچ ٹپیگ بوتگ، اے جنجال کہ دو سیاد ے یکدگرا گوں اَڑگ ءَ بنگیج بوتگ، کمے دیرا پد آیانی میان ءَ جنگ رُستگ ءُ چہ سردین ءُ گرمیں سلاہ آنے کارمرز کنگ ءَ سرجم شش مردم ٹپیگ بوتگ.

ٹپیگ بوتگیں مردمانے پجّار «ابدالرھمن رئیسی»، 45 سالگ «دادالرھمن رئیسی»، 42 سالگ «سئید رئیسی»، 30 سالگ «پرشید ریگی» 15 سالگ کہ پاد ءَ تیر وارتگ ءُ ٹپیگ بوتگ۔ «اھمد رئیسی»، 16 سالگ «ھامد رئیسی»، 17 سالگ ءُ پہکاں بُندر ءَ جالک ءِ نندوکیں مردم زانگ بوتگ اَنت.

ھالانے رِد ءَ، اے جنجال ماں دو گشت ءَ پیش اَتکگ، جنجالے بُنگیج ءُ سئے مردمے ٹپیگ بوھگ ءَ رند دوئیں نیمگے مردمان ءَ پہ ادارکے جنگ داشتگ۔ چُنت ساھت ءَ پد چہ دوئیں نیمگ آں جنجال رُستگ ءُ سئے مردم دگہ ٹپیگ بوتگ۔ اے پیم ءَ سرجم شش مردم ٹپیگ بوتگ.

پرشید ریگی 15 سالگیں ورنا ءَ اے جنجال ءَ ماں پاد ءَ تیر ورگ ءُ ٹپیگ بوھگ ءَ رند، پہ درمان ءَ شستونے رازی نادراہجاہ ءَ سر کنگ بوتگ۔ آئی جمے روچ ءَ پہ وشتریں درمان ءَ دُزاپ ءِ ھاتم الانبیاء ئے نادراہجاہ ءَ دیم دیگ بوتگ.