رَسانک نیوز/ دوشمبے روچ 27 مرداد ماہ 1404 ءَ، مگس ءُ سوران ئے راہ ءَ ٹیلکشے ئے گاڑی ئے لیٹ ورگ ءُ بُن گِرَگ ءَ بلوچے ٹیلکشے کُشگ ءُ آئی ءِ ھمراہ ٹپیگ بوتگ.
ساہ داتگیں بلوچے پجّار «ناسر دھانی»، گلمھمد ءِ چُک، آروس کرتگ ءُ مگس ءَ کھنمگار دمگے نندوکیں مردمے زانگ بوتگ. ٹپیگ بوتگیں بلوچے ٹیلکش ئے پجّار داں اے وھدا زانگ نہ بوتگ.
ھالانی رِد ءَ، اے ویل سُہب ءِ ساھت دہ ءَ مگس ءُ سورانے راہ ءَ گوں ٹیلکشے گاڑی ئے لیٹ ورگ ءُ بُن گِرَگ ءَ پیش اَتکگ. چہ ٹیلکشے گاڑی ئے لیٹ ورگ ءَ مزنیں آسی در گپتگ ءُ آس ے زورا ناسر ءَ جاہ ءَ ساہ داتگ ءُ آئی ءِ ھمراہ سکّ ٹپیگ بوتگ. ناسر ئے ھمراہ چہ گاڑی ءَ در بوھگ ءَ سوبیں بوتگ ءُ اے پیم ءَ آئی ءِ ساہ رکّتگ. ناسر ئے ٹپیگیں ھمراہ، پہ درمان ءَ شستونے رازی نادراہجاہ ءَ سر کنگ بوتگ.
Be the first to comment