رَسانک نیوز/ شمبے روچ ءَ 1 شہریور ماہ 1404 ءَ، ایرانے سرکاری میڈیا ءَ پہرہ ءَ رینجرز لشکر ے کمانڈو ئے مرگ ءِ ھال سر کرتگ، ایرانے میڈیا ءَ اے کمانڈو ئے مرگ ءِ پُژدر «کار ئے سرا ویلے ئے پیش آھگ» گوشتگ، ھمیں پیم ءَ سرکاری میڈیا ءَ اے کمانڈو ءَ شہید لیکتگ.
مرتگیں کمانڈو ئے پجّار «سجاد جوکار»، پہرہ ئے رینجرز ئے ھاسیں دستہ ائے کمانڈو زانگ بوتگ.
اے ھال ھماں وھدا شنگ بوتگ کہ 31 مرداد ماہ 1404 ءِ روچ ءَ پہرہ ئے ڈمّن دمگ ءَ شیبان پاسگاہ ئے گشت ءِ کاروان ئے سرا اُرش ءُ تیرگواری ئے زمہ واری جیش الادل ئے سلاہ بندیں گل ءَ منّتگ. اے اُرش ءَ امنیتی ٹولی ئے پنچ کارمند کُشگ بوتگ. کُشگ بوتگیں کارمند آنے نام «گلامرزا وھدانی»، «ھادی رویایی»، «مھمد نوروزی»، «ھسن تولی»، «مھمدرزا رھیمی» زانگ بوتگ. جنوکان ءَ آیانی کشگ ءَ پد، سلاہ ءُ سامان آں پہ گنیمت ءَ برتگ اَنت.
Be the first to comment