رَسانک نیوز/ پنچشمبے 30 مرداد ماہ 1404 ءَ، واش ءِ شورک دمگ ءَ سلاہ بندیں مردمانی تیرگواری ءُ گاڑی ئے لیٹ ورگ ءُ بُن گِرَگ ءَ ساہ داتگ. اے ویل ھماں وھدا پیش اَتکگ کہ سرکار ءُ زمہ واران ءَ بلوچ ورنایان ءَ الکاپیں کار ے نہ دیگ ءُ سیمسران ئے بندگ ءَ ھزاراں بلوچے ورنائے جان ھترا گوں دیمپان کرتگ ءُ آیاں چہ ناچاری ءَ ٹیلکشگ ئے کار دست گپتگ.
اے بلوچے ٹیلکش ئے پجّار «رزا شہبکش»، 21 سالگ، ازیم ئے چُک، آروس کرتگ ءُ یک زھگے پت، دُزاپ ءِ سرجنگل دمگے نندوک زانگ بوتگ.
رَسانک ءِ ھال سرکنوکان ءَ گوشتگ: رزا گوں باریں گاڑی ءَ واش ءِ شہر ءَ وتی راہ ءَ روگ ءَ بوتگ ھمیں وھدا سلاہ بندیں مردمان ءَ آئی ءِ سرا تیرگواری کرتگ، گوں تیرگواری ءَ گاڑی چہ راہ ءَ در شُتگ ءُ لیٹ وارتگ، گاڑی لیٹ ورگ ءَ گوں بُن گپتگ ءُ رزا سکّ ٹپیگ بوتگ، ٹپّانے باز بوھگ ءَ آئی ءَ جاہ ءَ ساہ داتگ.
Be the first to comment