رَسانک نیوز/ چارشمبے 29 مرداد ماہ 1404 ءَ، دُزاپ ءِ مکّی مسیت ءَ گوں مولوی ابدل ھمید ئے میانجی گری ءَ ماککی ءُ شہ بکش (ھدزھی) کُٹھمدان آنے میان ءَ رازی نامے دیوانے برجم دارگ بوتگ، اے دیوان ءَ دمگ ءِ کماش ءُ اسپیت ریشیں مردمان ءَ بہر زُورتگ. دیوان ءِ سروکیں مردمان ءَ جیڑہ ءُ ٹکّر آنے ھلاس کنگ ءَ زور داتگ ءُ اے دیوان ءَ پہ آں دگہ بلوچان ءَ مسالے زانتگ.
دیوان ءَ نندوکین ءُ بہر زوروکیں مردمان ءَ سکون ءُ تپاکی ءُ ایمنی ئے سرا زندمان گوازینگ ءَ چہ سماج ءِ بنیادی زلورت آں زانتگ. آیان ءَ اے رازی نامے داں دیر وھدا برکرار بوھگ ءِ اُمیت کرتگ داں کہ ناآرامی آنے دیم دارگ بہ بیت.
اے رازی نامے دیوان ءَ درا کرتگ بلوچانی اَھدی راہ ءُ رھبنداں گوں اَڑ ءُ جیڑ آنے سندگ ءُ ھلاس کنگ داں مروچی ماں بلوچ سماج ءَ کارمرز بوھگ اَنت ءُ توانت بازین ناآرامی آنے دیم ءَ بہ دار اِیت.
Be the first to comment