رَسانک نیوز/ جمے روچ 31 مرداد ماہ 1404 ءَ، آھوند «مجید پلاهپور»، بزمان ئے شیئا دینی زانتکارے ءَ سلاہ بندین ءُ بے پجّاریں مردمان ءَ آوار جتگ ءُ بیگواہ کرتگ. آوار جنوکیں مردماں پژو سواری گاڑی ئے نندوک بوتگ اَنت ءُ اے آھوندے سرا اُرش کرتگ ءُ آئی ءَ چیریں جاگہے برتگ.
داں انگت ءَ ھچ گل ءُ مردمے ءَ آئی ءِ آوار جنگ ءُ بیگواہ کنگ ئے زمہ واری ءَ نہ منّتگ، ھمیں پیم ءَ آوار جنوکانے سوب چہ اے آھوندے آوار جنگ ءَ زانگ نہ بوتگ.
گوشگ لوٹیت: دیمترا ماں تاریک 30 اردیبھشت ماہ 1404 ءَ، پہرہ ءَ «رزا سمدی»، نامیں آھوندے چہ شیئا آنے امیرالمؤمنین الی ئے دینی وانگجاہ ئے دیم ءَ سلاہ بندین ءُ بے پجّاریں مردمان ءَ آوار جتگ کہ اے ویل ئے سئے ماہ ءَ پد، داں انگت ءَ آئی ءِ ھالے سرپدئے نیست اِنت. اے آھوند بُندر ءَ دلگان ئے نندوکیں مردمے بوتگ.
Be the first to comment