رَسانک نیوز/ 28 مرداد ماہ 1404 ءِ بانگواہ ءَ، پہرہ ئے بندیگجاہ ءَ بلوچے بندیگے بید چہ آئی ءِ لوگے مردمانے ھال دیگ ءُ گُڑ سریں گندوک ءَ پاھو دیگ بوتگ. اے بلوچے بندیگ ھماں وھدا پاھو دیگ بوتگ کہ آئی ءِ شکایست کنوکیں مردمان ءَ پہ یک ملیارد تومن زرّ ئے دیم ءَ رزایت دیگ ءَ منّتگ. بلے اے زرّ ئے جم کنگ ءُ نئز آرگ اے بے چارگیں بندیگے لوگے مردمانے وس ءَ ڈنّ بوتگ.
اے بلوچے بندیگے پجّار «ھپیز سیاہھانی»، 38 سالگ، ھبیب ءِ چُک، پہرہ ئے شھدراز دمگ ءِ نندوک زانگ بوتگ.
اے ھالے رِد ءَ، ھپیز سیاہھانی سال 1390 ءَ، پہ کوش ءِ الزام ءَ دزگیر کنگ بوتگ ءُ آئی ءَ پاھو ئے سزا داتگ۔ دوشمبه آئی چہ ھوریں واڈ ءَ پہ ایوکیں واڈ ءَ شور دیگ بوتگ۔ سئےشمبه بانگواہ ءَ پہرہ ئے بندیگجاہ ءَ آئی ءَ پاھو داتگ، سیاہھانی ئے ھاندان ءُ لوگے مردمان ءَ آئی ءِ پاھو دیگ ءِ ھال اِش نہ داتگ، آئی بید چہ لوگے مردمانی گڑ سریں گندوک ءَ پاھو دیگ بوتگ.
Be the first to comment