رَسانک نیوز/ شمبے روچ 25 مرداد ماہ 1404 ءَ، پہرہ ءَ 24 مرداد ماہ ءَ انتزامی باسک ءِ گشتے گاڑی ئے سرا اُرش ءُ تیرگواری ئے زمہ واری جیش الادل ءَ منّتگ۔ اے اُرش ءَ امنیتی باسک ءِ دو کارندگ کُشگ ءُ ٹپیگ بوتگ.
ماں تیرگواری ءَ کُشگ بوتگیں انتزامی ٹولی ئے کارمندے پجّار «رامین سادکی» زانگ بوتگ۔ آئی ءَ ھاتم الانبیاء نادراہجاہ ءَ سر بوھگ ءَ پد، چہ بازیں ٹپّاں ساہ داتگ۔ ٹپیگ بوتگیں کارندگے پجّار داں اے وھدا گوشگ نہ بوتگ.
اے ویل دکتر امینی پرد ئے میدانے نزّیک ءَ پیش اَتکگ ءُ گاڑی ئے سلاہ بندیں نندوکان ءَ انتزامی باسک ءِ گشتے گاڑی ئے سرا تیرگواری کرتگ ءُ چہ جاہ ءَ شُتگ اَنت.
دیمترا ھال سرکنوکان ءَ گوشتگ: تیرگواری ءَ پد، انتزامی ٹولی ئے مزنیں پلٹنی گوں زاتی ءُ سرکاری گاڑیاں جاہ ءَ دیم دیگ بوتگ۔ آیان ءَ شہر ءَ تہا بوھگ ءُ در آھگے راہ بستگ ءُ رھگوزیں مردماں جُست پُرس کرتگ ءُ پجّار ے کاگد لوٹتگ ءُ چارتگ.
Be the first to comment