رَسانک نیوز/ 24 مرداد ماہ 1404 ءَ، آسکانی ءُ دینارزھی کُٹھمدان آنے دو ھاندانے میان ءَ چہ مردمے ئے تیر ورگ ءُ ٹپیگ بوھگ ءَ ٹکّر ءُ جیڑہ ئے رُستگ. اے اَڑ ءُ جیڑہ گوں مولوی پزل الرھمن کوھی ئے جُھد ءُ میانجی گری ءَ کہ چہ مشھد ئے وکیل آباد بندیگجاہ ءَ پہ مُرھسی اَتکگ، ھمیں پیم ءَ اے دگہ کماشیں مردمانی جُھد ءَ سستگ ءُ دوئیں ھاندان آنے میان ءَ رازی نامہ بوتگ.
سلاھ کاری ئے دیوان جکیگور ئے دمگ ءَ ماں یکّے چہ دوئیں نیمگ ءِ مردمانے زاتی لوگے ءَ برجم دارگ بوتگ. اے دیوان ءَ دمگ ءِ زانتکاریں ءُ سروکیں مردمان ءَ بہر زورتگ. زانتکار ءُ بہروسہ مندیں مردماں توان اَنت ماں بلوچ سماج ءَ، نا آرامے ئے کم کنگ ءُ مُدامیں جیڑہ آنے دیم دارگ ءَ ٹوھیں کردے پیلو بہ کن اَنت.
ھمیں پیم ءَ بلوچستان ءَ، کماش ءُ اسپیت ریشانے اردشت ءَ پہ جیڑہ آنے سندگ ءَ درا کنت.
Be the first to comment