رَسانک نیوز/ شمبے 25 مرداد ماہ 1404 ءِ شپ ءَ، سب ءُ سوران ئے شہر ءَ سلاہ بندین ءُ بے پجّاریں مردمان ءَ بلوچے ئے سرا تیرگواری کرتگ ءُ کُشتگ.
کُشگ بوتگیں بلوچے پجّار «جاوید بارکزھی»، 37 سالگ، ابدلرھمن ئے چُک، سب ءُ سوران ءِ نندوک زانگ بوتگ.
رَسانک ءِ ھال سرکنوکان ءَ گوشتگ: جاوید ئے تیر ورگ ءُ ٹپیگ بوھگ ءَ پد، دمگے مردمان ءَ آئی نادراہجاہ ءَ سر کرتگ۔ بلے نادراہجاہ ءَ بنیادی سہولت آنے نہ بوھگ ءُ بازیں ھونے ریچگ ءَ آئی ءَ ساہ داتگ. جنوکاں تیرگواری ءَ پد چہ جاہ ءَ در شُتگ اَنت.
داں انگت ءَ جنوکانے پجّار ءُ آیانی سوب چہ جاوید ے کُشگ ءَ زانگ نہ بوتگ.
Be the first to comment