رَسانک نیوز/ 23 مرداد ماہ 1404 ءَ، جالک ءَ سلاہ بندین ءُ بے پجّاریں مردمان ءَ گاڑی ئے سرا تیرگواری کرتگ ءُ گاڑی ءَ نندوکیں برات ءُ گوھار ءَ تیر وارتگ ءُ ٹپیگ بوتگ اَنت، آیاں ٹپیگ بوھگ ءَ پد، شستونے ایرانمھر ءِ نادراہجاہ سر کنگ بوتگ اَنت۔ بیگاھی 24 مرداد ماہ 1404 ءَ، گوھار ءَ 24 ساھت ءَ پد نادراہجاہ ءِ آی سی یو واڈ ءَ ساہ داتگ.
ٹپیگ بوتگیں بلوچے پجّار «ابراھیم گمشادزھی» گوشگ بوتگ۔ آئی ءِ ساہ داتگیں گوھارے پجّار داں اے وھدا زانگ نہ بوتگ.
رَسانک ءِ ھال سرکنوکان ءَ گوشتگ: سلاہ بندیں مردمان ءَ آیانی سرا تیرگواری کرتگ ءُ چہ جاہ ءَ در شُتگ اَنت، داں انگت ءَ آیانی سوب چہ اے تیرگواری ءَ زانگ نہ بوتگ. جھمنندانے سرا سلاہ بندیں مردمانی اُرش ءُ تیرگواری ئے ویل ءُ واکانے گیش بوھگ ءُ زمہ وارانے اے درگت ءَ بے تواری ءُ دلگوش نہ کنگ ءَ جھمنندانے جان ءُ ساہ گیشتر ھتر ئے دیمپان کرتگ.
Be the first to comment