رسانک نیوز/ 24 مرداد ماہ 1404 ءِ شپ ءَ، پہرہ ءَ چہ سلاہ بندین ءُ بے پجّاریں مردمانی امنیتی ءُ انتزامی ٹولی ئے گشت ءِ گاڑی ئے سرا اُرش ءُ تیرگواری ءَ، دو امنیتی کارمند کُشگ ءُ ٹپیگ بوتگ۔ بلے داں انگت ءَ امنیتی سروکان ءَ اے درگت ءَ وتی ھبر درشان نہ کرتگ اَنت.
دیمترا رَسانک ءِ ھال سرکنوکان ءَ گوشتگ: اے ویل دکتر امینی پرد ئے میدانے نزّیک ءَ پیش اَتکگ ءُ گاڑی ئے سلاہ بندیں نندوکان ءَ انتزامی ٹولی ئے گشت ءِ گاڑی ئے سرا تیرگواری ءَ پد، چہ جاہ ءَ در شُتگ اَنت. بے ستکیں ھالی ءَ اے ویل ءَ کُشگ بوتگیں امنیتی کارمندانے کچ چار نپر گوشتگ.
ھال سرکنوکان ءَ گوشتگ: اے ویل ءَ پد، پہرہ ئے شہر ءَ امنیتی ءُ انتزامی باسک ءِ مزنیں پلٹن ئے گوں بازیں چیریں ءُ سرکاری گاڑیان ءَ گشت کنگ اَنت ءُ شہر ءَ تہا بوھگ ءُ در آھگے راہ بستگ۔ پہرہ ئے شہر ءَ ایمنی ئے ھالات تُرند کرتگ.
Be the first to comment